Elon Musk është njeriu më i pasur në botë, me një pasuri që vlerësohet deri në 187 miliardë dollarë. Nëna e tij, Maye Musk ka rrëfyer se e ka kuptuar që i biri i saj ishte gjeni, që kur ai ishte ende një fëmijë. Mirëpo, ajo ka pranuar se nuk ka qënë e sigurt nëse themeluesi i kompanisë ndërkombëtare “SpaceX” ishte i destinuar për të kapur majat.
E ftuar në një emision mëngjesi në Amerikë, 72-vjeçarja ka treguar më shumë rreth fëmijërisë së Elon Musk. “E kam kuptuar që Elon ishte një gjeni, kur ai ishte vetëm 3 vjeç. Por prapëseprapë nuk mund të isha e sigurt nëse ai do të bënte gjëra madhështore, pasi ka shumë gjeni që përfundojnë të pastrehë apo duke fjetur në bodrume, pasi nuk i vendosin në zbatim dhuntitë e tyre.”
Maye ka treguar gjithashtu, se Elon ka shitur programin e tij të parë kompjuterit, kur ishte vetëm 12 vjeç dhe fitoi 500 dollarët e tij të parë, nga revista që e bleu. “Ai ishte vetëm 12 vjeç dhe mahniti një grup studentësh të inxhinierisë, me aftësitë e tij. Ky ishte një fillim i mirë”- tha ajo.
Nëna e Elion ka qënë një nga investueset në kompaninë e parë të tij të softwerëve “Zip2”, duke u bërë kështu një nga mbështetëset më të mëdha të tij, drejt rrugës së suksesit. “Isha kaq e emocionuar kur ai themeloi “Zip2”, pasi e bënte jetën kaq të thjeshtë, duke vendosur lokacionin e bizneseve në websajtet e tyre. E di që tani kjo është një praktikë mëse e zakonshme, por në atë periudhë ishte revolucionare. Kjo është arsyeja pse unë investova në idenë e tij që në fillim, edhe pse nuk kisha shumë para.” – u shpreh nëna e Elion.
Sipas saj, Elion Musk krijoi sistemin e “Paypal”, pasi ishte i bindur që sistemi bankar kishte nevojë për ndihmën e tij dhe kështu ndodhi. Më vonë, ai themeloi “Teslën”, ku përveç prodhimit të makinave elektronike, bën edhe kërkime hapësinore.
Nëna e Elion është shprehur krenare edhe për dy fëmijët e tjerë të saj, gjithashtu të suksesshëm në karrierat e tyre, njëri si biznesmen dhe tjetra si producente filmash.
