Gjykata e Lushnjës ka zhvilluar sot seancën për 16-vjeçaren K. Beqiri dhe shokun e saj Julian Kiptiu, të akuzuar se dhunuan dhe tentuan të grabisnin një të moshuar. Gjykata ka vendosur masën e sigurisë “Detyrim paraqitje” për 16-vjeçaren, ndërsa është në 20 ditë në burg 18-vjeçari, si bashkëpunëtor në tentativën për grabitje të 64-vjeçares.
Ditën e djeshme e moshuara Lume Zela, 64-vjeçe, është mashtruar nga vajza e cila është shtirur se ishte e sëmurë me vrimë në zemër, që të futej brenda në shtëpi. Zela e ka lejuar që të futej brenda duke i dhënë një gotë ujë, në këtë moment e reja e spërkatur me spraj lotsjellës, e ka kapur nga duart, e ka tërhequr zvarrë dhe e ka mbyllur në dhomë.
Pas kësaj, vajza ka kontrolluar në të gjithë shtëpinë për të gjetur ndonjë send me vlerë. Më pas, ka telefonuar shokun e saj, Julian Kiptiu, 18 vjeç, që e ka ndihmuar të largohet nga vendi i ngjarjes.
