Në një bashkëbisedim nga Korca kryeministri Edi Rama dha lajmin e mirë se Rruga e Arbrit do të përfundojë brenda pak muajsh.
Rruga e Arbërit është rrugë në ndërtim e sipër e cila do të lidhë Tiranën me Dibrën në Maqedoni me një gjatësi prej rreth 75 kilometra.
Ky aks rrugor që shkurton distancën mes Tiranës dhe Dibrës parashikohet të përfundojë i gjithi në 2021. Ky afat është vendosur në Strategjinë e Transportit nga Ministria e Punëve Publike, dokument ky i miratuar në fillim të shtatorit 2008 nga Këshilli i Ministrave. Rruga që e ka origjinën nga Periudha Romake, do të kalojë në 10 zona dhe do të shkurtojë me rreth 70 kilometra rrugën e sotme nga Burreli.
Ky variant u shmanget në mënyrë të ndjeshme lartësive mbi 900 metra mbi nivelin e detit si dhe është varianti me kushte më të mira gjeologo-inxhinierike e hidrologjike. Pritet përfundimi i saj në pranverën e vitit 2021 pas premtimit në zgjedhjet lokale të 2019 nga kryeministri i Shqipërisë z.Edi Rama se në zgjedhjet e përgjithshme të ardhshme në Dibër do të vinte nga Rruga e Arbrit.
Zgjedhjet e ardhshme të përgjithshme janë në prill të vitit 2021 që nënkupton se në mars 2021 Rruga e Arbrit do të jetë gati për çeljen e fushatës elektorale.
