Mbi dy milionë njerëz në Turqi kanë marrë dozën e parë të vaksinës kineze anti-Covid. Shifrat janë bërë publike nga Ministria e Shëndetësisë, më pak se 20 ditë pas fillimit të fushatës kombëtare të imunizimit.
Dozat i janë injektuar deri tani personelit mjekësor dhe atij të kujdesit shëndetësor si edhe të moshuarve mbi 75 vjeç në azile.
Ndër të parët që vaksinuan ishin gjithashtu disa liderë politikë, përfshirë Presidentin Rexhep Tajip Erdogan.
Turqia përdor vaksinën e prodhuar nga kompania farmaceutike SinoVac, nga e cila ka marrë 13 milionë doza deri më tani, nga gjithsej 50 milionë të rezervuara.
Që nga fillimi i pandemisë, Turqia ka regjistruar gati 2.5 milionë raste dhe 26 000 viktima.
