Djaloshi 4-vjeçar Ollie u diagnostikua me meningjit dhe Covid-19 në fillim të janarit, duke kaluar 3 javë të vështiranë Spitalin e Fëmijëve Arkansas.
Nëna e tij, Ëhitney Rodgers tha për mediat se ai fillimisht rezultoi pozitiv me Covid-19 dhe pastaj u diagnostikua me meningjit bakterial.
“Ishte kaq e frikshme, kishim frikë se çdo ditë do të ishte e fundit me të” tha Rodgers.
Rodgers tha se djali i saj qëndroi i lidhur me aparatura në shtrat për javë të tëra.
Sipas Rodgers gjithçka nisi një ditë pas Vitit të Ri, kur Ollie u dërgua në spital pasi kishte ethe. Sapo mbërriti atje ai u diagnostikua me Covid-19 dhe me meningjit bakterial, edhe pse nëna e tij tha se ishte vaksinuar për meningjit në dhjetor.
Rodgers tha se mjekët besojnë që Covid-19 e dobësoi sistemin e tij imunitar dhe lejoi përhapjen e baktereve dhe shfaqjen e meningjitit. Ollie pësoi kriza dhe kishte dy tuba ushqimi pasi nuk reagonte për disa ditë.
Sipas nënës së tij ai duhej të qëndronte në spital për gjashtë javë, por djaloshi ia doli për tre javë.
“Ky fëmijë është një mrekulli, nuk e di se si e gjeti forcën të bënte atë që bëri,” tha nëna e tij.
