Takimet e para të gjysmëfinaleve, Levante-A. Bilbao, të enjten (21.00), direkt në RTSH Sport. Sevilja ka mundur të mërkurën Barcelonën 2-0 në takimin e parë të duelit të parë të gjysmëfinaleve të Kupës së Spanjës.
Siç dihet, kjo veprimtari është një tjetër ekskluzivitet madhor i Rrjetit të Radio-Televizionit Shqiptar, që po sjell përballjet më të spikatura dhe të enjten do të sjellë edhe duelin e parë të gjysmëfinales tjetër, Levante – Atletik i Bilbaos.
Kupa e Spanjës, e njohur ndryshe edhe si Kupa e Mbretit, ka luajtur të martën ndeshjen e parë të të gjysmëfinaleve, që ndryshe nga turet e deritanishme, që janë vendosur nga një takim i vetëm, do të zhvillohet me sistem vajtje-ardhje.
Siç dihet, kjo veprimtari historike, që po zhvillon edicionin e saj të 118-të, është një tjetër ekskluzivitet madhor i Rrjetit të Radio-Televizionit Shqiptar, që po sjell përballjet më të spikatura të çdo faze.
Dhe të martën ka ardhur takimi i duelit të parë, që ka vënë përballë Seviljen, 5 herë fituese dhe 4 herë finaliste e mundur, me Barcelonën, e cila është në fakt rekordmbajtësja e këtij trofeu, duke e fituar atë plot 30 herë dhe duke dështuar në 11 finale të tjera. Ndonëse Barcelona kërcënoi, por pa rezultat të shënonte pas 11 minutash lojë, janë vendasit që do ta bëjnë me sukses në minutën e 25-të. Me epërsinë minimale do të mbyllen 45 minutat e para
Ndërsa ato të dytat do të shikojnë Barcelonën më ngulmuese në kërkim të golit të barazimit, por Sevilja e administron epërsinë minimale, madje e dyfishon atë 5 minuta para fundit të kohës së rregullt, me anë të ish-lojtarit të Barcelonës, Ivan Rakitiç. Nuk ka më kohë dhe Sevilja fiton me rezultatin 2-0 ndaj Barcelonës, ndërsa dueli i kthimit luhet në “Kamp Nou” më 3 mars 2021.
Ndërkaq, në duelin tjetër gjysmëfinal, Levante, e cila zyrtarisht nuk e ka fituar asnjëherë këtë trofe, sfidon një tjetër specialist të Kupës së Spanjës, Atletik të Bilbaos, e cila me 23 trofe të fituara dhe 14 finale të humbura është e dyta, pas Barcelonës, sa i përket sukseseve të arritura në këtë veprimtari. Takimi i parë i çiftit Levante-Atletik i Bilbaos, do të luhet të enjten, duke nisur nga ora 21:00 dhe do të vijë gjithashtu drejtpërdrejt në RTSH Sport.
Kupa e Spanjës
Gjysmëfinalet:
Të mërkurën, 10 shkurt 2021:
Sevilja – Barcelona 2-0
Shënues: Kunde 25’, Rakitiç 85’
Të enjten, 11 shkurt 2021:
Atletik i Bilbaos – Levante (21:00)
Të mërkurën, 3 mars 2021:
Barcelona – Sevilja (21:00)
Të enjten, 3 mars 2021:
Levante – Atletik i Bilbaos (21:00)
