Dita e sotme pritet të sjellë reshje dëbore në pjesën më të madhe të vendit tonë, përfshirë edhe kryeqytetin.
Në qarkun e Korçës reshjet e borës kanë nisur që në orët e para të mëngjesit, ku në disa zona shoqërohen edhe me erë të fortë. Autoritetet e mirëmbajtjes së rrugëve këshillojnë shoferët ë të bëjnë kujdes dhe në rrugën Qafa e Qarrit , rruga e Dardhës, rruga Voskop–Voskopojë.
Për mjetet e vogla është i rekomandueshëm përdorimi i zinxhirëve.Ndërkohë, reshjet e dëborës kanë zbardhur edhe rrethin e Bulqizës, ku janë shoqëruar me erë të fortë.
Si pasojë e reshjeve të dendura është krijuar vështirësi në qarkullimin e makinave, në akset nacionale dhe ato rurale. Në këtë zonë temperatura ka shkuar deri në -18 gradë.
