Dy të rinj të moshave 20 dhe 22-vjeç të identifikuar si Albi Çela dhe Edrian Myftari janë plagosur me thikë nga një 33-vjeçar Xhoni Memollari mesditën e sotme në Skrapar.
Për shkak të gjendjes së rëndë shëndetësore, dy të rinjtë janë transportuar me helikopter drejt Tiranës për mjekim më të specializuar.
Mësohet se sherri ka ndodhur në mënyrë të përsëritur pasi edhe para 4 muajsh të rinjtë janë konfliktuar me njëri-tjetrin për motive banale.
Fax News mëson se Edrian Myftari, një prej të plagosurve, njihet për person me precedent penal. Ai është arrestuar disa muaj më parë për aktivitetin e lojërave të fatit në mënyrë të paligjshme, ku ka qëndruar për disa javë në burg dhe më pas është lënë i lirë.
Ndërkohë që Policia është vënë tashmë në kërkim të Xhoni Memollarit, i cili pasi ka plagosur të rinjtë ka arritur që t’ia mbathë nga vendi i ngjarjes.
