Një ngjarje e rëndë ka ndodhur në një shkollë në Nigeri, ku persona të armatosur kanë rrëmbyer qindra vajza.
Mediat e huaja bëjnë me dije se disa persona të armatosur kanë hyrë në një shkollë vajzash dhe kanë rrëmbyer me dhunë 300 prej tyre.
Policia shprehet se vajzat janë marrë nga shkolla dhe janë dërguar drejt një pylli, ku edhe po mbahen peng.
Presidenti Muhammadu Buhari dënoi rrëmbimin e fundit duke e quajtur si çnjerëzor dhe krejtësisht të papranueshëm.
“Kjo administratë nuk do t’i nënshtrohet shantazheve nga banditë që synojnë nxënës të pafajshëm të shkollës për të marrë një shpërblimit për t’i lënë të lira,” tha ai në një deklaratë.
