Ato janë të pasura dhe të famshme dhe përveç që kanë sukses në një aspekt profesional të lidhur me botën e artit ose televizionit, ato tani janë përfshirë në biznes falë perandorive të tyre të kozmetikës.
Po flasim për të famshmet amerikane si Lady Gaga, Rihanna, Selena Gomez dhe Kylie Jenner, të cilat, pas më shumë se një dekade duke bërë një emër për veten e tyre dhe duke grumbulluar miliona ndjekës në të gjithë botën, kanë vendosur të përdorin popullaritetin e tyre për të eksploruar këtë treg me miliona dollarë.
Pa shkuar më tej, këtu përfshihet Kylie Jenner, vajza e vogël e klanit Kardashian. E njohur mbi të gjitha si një ‘influencuese’ dhe yll i “reality”, ajo ka përfituar nga pozicioni i saj dhe ka nxjerrë linjën e saj të makijazhit dhe e ka shndërruar atë në një nga më fitimprurësit në botë.
Pasi shiti 51% të aksioneve të Kylie Cosmetics për një shumë të madhe $ 600 milion, Kylie Jenner u bë e famshmja me fitime më të mëdha në vitin 2020 përpara sportistëve, aktorëve dhe këngëtarëve, sipas Forbes.
Nuk është për t’u habitur që sot konsumatorët e këtij lloji të produktit zgjedhin markat që ata i identifikojnë me fytyrat që ata admirojnë.
Pasi themeloi Haus Laboratories në 2012 për të lançuar parfumet e saj të para dhe duke e riorientuar atë drejt kozmetikës në 2019 me hapjen e dyqanit kryesor në Las Vegas, marka e këngëtares Lady Gaga po forcohet.
Një nga pikat për të cilat marka e artistes ka kënaqur konsumatorët është se të gjitha produktet janë vegane, kështu që ato nuk janë testuar në kafshë asnjëherë dhe as nuk përmbajnë ndonjë gjë që nuk është me origjinë bimore.
Një tjetër nga emrat më të mëdhenj në industrinë e kozmetikës është padyshim Rihanna, e cila filloi sipërmarrjen e parë e biznesit me Fenty Beauty në vitin 2017. Tani ka gjithashtu një linjë produktesh për kujdesin e lëkurës, Fenty Skin .
Një nga pikat që ka tërhequr më shumë vëmendjen e konsumatorëve është se Rihanna ka një linjë gjithëpërfshirëse që është ideale për këdo, pavarësisht nga toni i lëkurës.
E fundit nga të famshmit që ka filluar këtë lloj biznesi me shumë sukses ka qenë këngëtarja dhe aktorja Selena Gomez.
Nisur gushtin e kaluar në Shtetet e Bashkuara, Rare Beauty është një sukses në shitje për shkak të cilësisë së produkteve të saj, ndër të cilat spikasin buzëkuqët dhe ‘eyeliners’.
Një nga artistet më të fundit që është futur në këtë treg ka qenë aktorja e njohur për Stranger Things (Netflix) Millie Bobby Brown.
Beitanikja ka lançuar një markë të quajtur Florence By Mills. Përveçse janë vegane, diçka që gjeneratat e reja e vlerësojnë shumë, produktet e linjës së tyre dallohen për çmimet jo të larta.
