Kryeministri Edi Rama, në një mbledhje të Partisë Socialiste, deklaroi se në vendet e para në listën e kandidatëve për deputetë, duhet të jenë të rinjtë.
Rama thekson se koncepti tradicional i rreshtimit të emrave në lista duhet përmbysur, duke shtuar se PS është forca politike që do të qeverisë.
“Skuadra e re do jetë një përpjekje e sinqertë për të pasur energji të reja, burime me prurje të reja. Ne jemi forca që qeverisim dhe do të qeverisim. Ne nuk bëjmë skuadër, me sloganet “ta hajë kush ta hajë”, por duhet të garantojmë rezultatet e duhura, në vazhdimësinë e qeverisjes.
Koncepti tradicional i rreshtimit në lista duhet të përmbyset. Është pa kuptim, që udhëheqja të rrijë në krye. Vendet e para në çdo listë iu duhen lënë të rinjve, që nuk janë enturazh në PS, por janë aktorë të rëndësishëm të të gjithë procesit tonë. Fuqizimi i grave, bën pjesë në vizionin tim”, tha Rama.
