Arbenita Ismajli dhe Fero do të bëhen prindër për herë të parë. Ky lajm qarkulloi së pari pasi dyshja zbuloi se kishin kurorëzuar dashurinë e tyre në martesë pak javë më parë dhe vetëm pak ditë më pas ishte vetë modelja e cila konfirmoi thashethemet.
Ajo zbuloi se ishte në muajin e tetë të shtatzanisë dhe se do të bëheshin me një vajzë. Por mesa duket çifti ende nuk e ka vendosur se si do ta quajnë vogëlushen e tyre. Për këtë, Arbenita ka kërkuar ndihmën e ndjekësve.
Krahas disa fotove të bukura që ka publikuar në Instagram, Arbenita shkruan: “Mund të më sugjeroni disa emra vajzash në koment ju lutem”. Ndjekësit kanë vërshuar në komente, duke i sugjeruar emrin “Feronita”, bashkim i emrave të tyre.
