Kryetari i Grupit Parlamentar të Partisë Socialiste Taulant Balla ka reaguar pas mbërrtjes në Shqipëri të 10 mijë dozave të vaksinës Sputnik, dhuratë nga Emiratet e Bashkuara Arabe.
Përmes një postimi në Twitter Balla i shpreh mirënjohjen për lartësisë së tij Mohamed Bin Zayed, Princi i Kurorës i Abu Dhabi dhe Zëvendës Komandant Suprem i Forcave të Armatosura të Emirateve të Bashkuara Arabe, për dhurimin e 10 mijë vaksinave kundër Covid-19.
Sipas Ballës ky është një mesazh i fortë solidariteti dhe miqësie midis dy kombeve tona, siç ndodhi edhe për tërmetin e 26 Nëntorit 2019.
Postimi i plotë i Taulant Ballës:
Shqipëria i është mirënjohëse Lartësisë së tij Mohamed Bin Zayed, Princi i Kurorës i Abu Dhabi dhe Zëvendës Komandant Suprem i Forcave të Armatosura të Emirateve të Bashkuara Arabe, për dhurimin e 10 mijë vaksinave kundër Covid-19. Një mesazh i fortë solidariteti dhe miqësie midis dy kombeve tona, siç ndodhi edhe për tërmetin e 26 Nëntorit 2019.
