Policia e Tiranës ka vendosur në pranga 6 persona, të akuzuar për vepra të ndryshme penale.
Një 60-vjeçar është vënë në pranga nga policia e kryeqytetit, pasi akuzohet se ka ngacmuar seksualisht një të mitur.
39-vjeçari thyen masën e arrestit
Specialistët për Hetimin e Krimit në Komisariatin e Policisë Nr.2 bënë arrestimin në flagrancë të shtetasit R. D., 39 vjeç, pasi ka thyer masën e sigurisë “Arrest në shtëpi” dhe u konstatua jashtë banese.
4 shoferë kapen të dehur në timon
Specialistët e Qarkullimit Rrugor bënë arrestimin në flagrancë të shtetasve :
K. C., 36 vjeç, G. T., 51 vjeç, R. L., 40 vjeç dhe M. Q., 43 vjeç pasi u kapën në flagrancë duke drejtuar mjetet përkatëse në gjendje të dehur.
•Më datë 21.03.2021, u referuan materialet në Prokurorinë pranë Gjykatës së Shkallës së Parë Tiranë dhe punohet për kapjen e shtetasit A. M., 42 vjeç, sepse në rrugën “Pandi Dardha”, ka tentuar të ngacmojë seksualisht një shtetase të mitur.
•Më datë 21.03.2021, u referuan materialet në Prokurorinë pranë Gjykatës së Shkallës së Parë Tiranë, për shtetasin D. B., 30 vjeç, pasi në Yrshek, në bashkëpunim me dy shtetas ende të paidentifikuar, kanë goditur me sende të forta shtetasin R. B. Punohet për kapjen e D.B si dhe për identifikimin dhe gjetjen e bashkëautorëve të tij.
Materialet i kaluan Prokurorisë së Rrethit Gjyqësor Tiranë, për veprime të mëtejshme.
