Të shtëna me armë zjarri janë dëgjuar në fshatin Ferras të Divjakës mbrëmjen e sotme.
Dyshohet se një person ende i paidentifikuar ka qëlluar me armë në ajër, ndërkohë që grupi hetimor ndodhet në vendngjarje dhe po punon për zbardhjen e plotë të ngjarjes.
Efektivët e policisë po krehin zonën me qëllim kapjen e autorit.
“Sot rreth orës 18:50, në fshatin Ferras, Divjakë, dyshohet se një person ende i paidentifikuar ka qëlluar njëherë në ajër me armë zjarri.
Në vendngjarje ndodhet grupi hetimor dhe po punon për zbardhjen e plotë të kësaj ngjarje.
Shërbimet e Policisë po krehin zonën me qëllim kapjen e personit që dyshohet se ka qëlluar me armë zjarri“, thuhet në njoftimin e policisë.
