Pas pak minutash, duke nisur nga ora 20:45, Shqipëria përballet me San Marinon në fushën e kësaj të fundit, në ndeshjen 3-të të vlefshme për grupin I të Eliminatoreve të Botërorit “Katar 2022”. Trajneri i Kombëtares Edi Reja shpesh deklaron se nuk është i prirur të bëjë eksperimente me formacionin, por vlerëson gjendjen e lojtarëve duke aktivizuar ata që janë më në formë.
Sidoqoftë, nga formacionet që nisin ndeshjet, risitë apo të ashtuquajtura eksperimente nuk mungojnë. Për San Marinon është i pezulluar nga kartonët Klaus Gjasula, ndërsa Florian Kamberi u largua nga grumbullimi me pretekstin se është i dëmtuar. Gjithashtu, dje nga grumbullimi i kuqezinjve u largua edhe mesfushori, Nedim Bajarami, i cili nuk pati mundësi të debutonte në tri ndeshjet e para në Grupin I.
Për sa i përket formacionit zyrtar, Reja i ka treshen e mbrojtjes, Ajetit, Veselit dhe Gjimshitit, për të vazhduar nga krahët me Hysajn dhe Lenjanin. Mesfusha formohet nga Ramadani, Memushaj dhe Bara, ndërkohë që në sulm është Broja dhe Manaj.
FORMACIONI ZYRTARE:
SHQIPËRIA: Strakosha, Gjimshiti, Ajeti, Veseli, Hysaj, Lenjani, Bare, Memushaj, Ramadani, Manaj, Broja. Trajner: Edoardo Reja
