I aftë për të shkatërruar një pjesë të madhe të vijës bregdetare me një kokë lufte me shumë megaton, siluri Poseidon 2M39 mund të nisë një zinxhir të tsunamit vdekjeprurës radioaktiv që do të përplasej në qytete duke i lënë ata të pabanueshëm për dekada.
Sipas DailyMail, i ashtuquajturi ‘siluri i apokalipsit’ dukej thjesht një lloj super arme që udhëheqësi rus do të ëndërronte për të trembur kundërshtarët, dhe në atë kohë zyrtarët amerikanë dhe ekspertët e mbrojtjes e hodhën poshtë atë si një fantazi.
Por e vërteta ka dalë nga shkrirja e akullit të Arktikut, ku mesa duket Rusia me të vërtetë po zhvillon Poseidonin. Të paktën tre nëndetëse të adaptuara për të transportuar silurët e mëdhenj janë parë tashmë në Arktik, ku regjimi i Putinit po vendos një prani ushtarake.
Rajoni dikur ishte i akullt dhe i paqendrueshëm, por akulli po shkrihet dhe është bërë thelbësor për planin ekonomik të Rusisë për të hapur dhe kontrolluar një rrugë veriore transporti nga Evropa në Azi. Zhdukja graduale e barrierës së akullit ka ekspozuar gjithashtu cenueshmërinë ushtarake të kufirit verior dikur të padepërtueshëm të Rusisë.
Putini dëshiron që 2M39 të vendoset në Arktik deri në verën e vitit 2022 dhe, sipas raporteve të mediave ruse, i ka kërkuar ministrisë së tij të mbrojtjes që ta mbajë të informuar nga afër për testet që filluan në shkurt dhe do të vazhdojnë këtë vit.
Ajo që dihet me siguri është se Poseidon është silura më e madhe e ndërtuar ndonjëherë. Më shumë se 6ft në diametër dhe 65ft të gjatë, arma e kontrolluar nga distanca është 30 herë më e madhe se një silur standard i rëndë dhe vlerësohet të peshojë 100 tonë.
Ndërsa pretendimet ruse për Poseidon zhvendosen gjatë gjithë kohës, shefat e mbrojtjes perëndimore pranojnë se ata janë thellësisht të shqetësuar nga çdo gjë që mund të nisë një sulm bërthamor pa u pikasur as nga sistemet e tyre të mbrojtjes raketore.
Burime të qeverisë amerikane, të cilët thonë se po monitorojnë zhvillimet nga afër, paralajmërojnë që kontrolli rus i Arktikut do ta lejojë atë të shtrijë fuqinë e tij në Atlantikun e Veriut, dhe ky do të ishte një zhvillim thellësisht alarmues për Mbretërinë e Bashkuar.
Në filim ‘Clash Of The Titans’ të Hollywood-it, i bazuar në mitologjinë Greke, Poseidon, zot i deteve, lëshon krijesën monstruoze të detit Kraken për të shkatërruar qytetin e Argos duke krijuar një valë të madhe baticash.
