Policia e Durrësit ka vënë nën pranga një 58-vjeçar për veprën penale “Shpërdorim detyre”.
Shtetasi A.H., me detyrë roje private dhe operator i monitorimit të kamerave të sigurisë në një kompani private në lagjen nr. 14, Durrës akuzohet për shpërdorim detyre, pasi gjatë natës në ambjente e kësaj kompanie, persona të paidentifikuar kanë vjedhur një sasi vlere monetare, por shtetasi A. H. nuk ka monitoruar kamerat dhe nuk ka njoftuar Policinë.
Vijon puna për identifikimin dhe kapjen e autorëve të vjedhjes.
Njoftimi i policisë/ Durrës
Specialistët për Hetimin e Krimeve në Komisariatin e Policisë Durrës arrestuan në flagrancë, për veprën penale “Shpërdorim detyre”, shtetasin A. H., 58 vjeç, banues në Durrës, me detyrë roje private dhe operator i monitorimit të kamerave të sigurisë në një kompani private në lagjen nr. 14, Durrës, në pronësi të shtetasit A. D., 29 vjeç.
Gjatë natës, në lagjen nr. 14, Durrës, në ambientet e kësaj kompanie, persona ende të paidentifikuar kanë vjedhur një sasi vlere monetare, por shtetasi A. H. nuk ka monitoruar kamerat dhe nuk ka njoftuar Policinë.
Vijon puna për identifikimin dhe kapjen e autorëve të vjedhjes.
Materialet i kaluan Prokurorisë së Rrethit Gjyqësor Durrës.
