Rendi dhe siguria në zgjedhje,  Yuri Kim merr garanci nga Veliu

113 563 lexime

124,178FansaPëlqeje

Diplomatja e SHBA-së, Yuri Kim takoi dje Drejtorin e Përgjithshëm të Policisë së Shtetit Ardi Veliu, për masat që do të merren para dhe pas procesit të votimit më 25 prill. Kim shkruan se ka marrë garanci nga drejtuesit e lartë të Policisë së Shtetit për mbarëvajtjen e zgjedhjeve.

Nga Fernada Cenko

Gjashtë ditë para zgjedhjeve, ambasadorja e Shteteve të Bashkuara të Amerikës në Tiranë, Yuri Kim, ka zhvilluar një takim me Drejtorin e Përgjithshëm të Policisë së Shtetit Ardi Veliu për të marrë garanci për procesin zgjedhor dhe ruajtjen e rendit publik. Edhe pse takimi nuk u bë në prezencë të mediave, diplomatja amerikane ka publikuar një status në rrjetet sociale, ku ka informuar për takimin me numrin një të policisë së shtetit. Sipas informacionit të dhënë në rrjetin social, ambasadorja ka marrë siguri për zbatimin e ligjit dhe rendit publik para, gjatë dhe pas zgjedhjeve. “U takova me drejtorin e Përgjithshëm të Policisë së Shtetit Ardi Veliu për të diskutuar përgatitjet për zgjedhjet e 25 prillit. Drejtori i Përgjithshëm Veliu konfirmoi se detyra e punonjësve të policisë është të jenë profesionalë dhe të paanshëm në zbatimin e ligjit dhe ruajtjen e rendit publik përpara, gjatë dhe pas zgjedhjeve”, thuhet në postim. Ky është takimi i parë që shefja e diplomacisë ka zhvilluar me drejtuesit e policisë së shtetit për çështjen e zgjedhjeve. Prezenca e SHBA-së nëpërmjet ambasadores ka qenë intensive gjatë kësaj fushate elektorale. Që në prodhimin e listave të treja forcave politike, Kim ju kërkoi që kandidatër për deputetë të mos ishin emra të lidhur me krimin. Vetëm një javë më parë, Kim bëri një deklaratë ku i kërkonte elektoratit që të mos e shisnin votën dhe të mos votonin kriminelë. “Shqiptarët që takoj kudo në vend më thonë se iu ka ardhur në majë të hundës nga korrupsioni; iu ka ardhur në majë të hundës nga pandëshkueshmëria; iu ka ardhur në majë të hundës nga kriminelët që ulen në parlament. Epo, ky është momenti. Ma tregoni me veprime, tregojeni me veprimet tuaja se e keni seriozisht. Nuk mund të ndodhë që më kërkoni opinionin tim si Shtetet e Bashkuara, unë jua jap dhe pastaj ju vazhdoni të bëni të njëjtën gjë. Nëse doni ndryshim, votoni për ndryshim. Nëse doni kriminelë, votoni për kriminelë. Por ajo që bëni duhet të përputhet me atë që thoni se doni. Dhe 25 prilli është momenti”, tha Kim.

Të fundit

Gjiri i Guantanamos: Një front i ri në politikën amerikane të emigracionit?

Presidenti amerikan Donald Trump planifikon dërgimin e 30 mijë emigrantëve pa dokumente në Gjirin e Guantanamos, bazë detare amerikane...

Tiranë – Gjenevë me Air Albania/ Inaugurohet linja e re në aeroportin ndërkombëtar

Tirana dhe Gjeneva lidhen tashmë direkt me kompaninë Air Albania. Aeroporti Ndërkombëtar i Tiranës zgjeron kështu mundësitë e lidhjes ajrore midis Shqipërisë dhe Evropës....

Grevë e palës greke në Kakavijë, njoftim i rëndësishëm për udhëtarët

Policia kufitare në Kakavijë bën me dije se për shkak të një greve të palës greke, ditën e nesërme 28 shkurt nga ora 07:00...

Një plumb në gjoks në oborrin e shtëpisë, ‘zbërthehet’ vrasja e 20-vjeçarit në Shkodër

Të tjera detaje kanë dalë nga vrasja me armë zjarri e ndodhur në fshatin Guci e Re në Shkodër, ku mbeti i vdekur shtetasi...

Keni bërë plane për nesër? Ja si pritet të jetë moti, çfarë do të ndodhë me temperaturat

Edhe për ditën e premte vendi ynë do të vijojë të ndikohet nga kushte atmosferike të paqëndrueshme. Moti parashikohet me kthjellime të herëpashershme dhe alternime...

Lajme të tjera

Web TV