Një qytetar në Mal të Zi ka vendosur të bëjë bamirësi në një mënyrë të veçantë. Banorët e qytetit të Barit, të cilët kishin borxhe në dyqanin e ushqimeve, u surprizuan kur pronari u tha se gjithçka ishte likuiduar nga një njeri që kishte preferuar të mbetej anonim.
“Thjesht më jepni shumën, pa emra njerëzish që kanë borxh në dyqan prej kohësh dhe unë do t’i paguaj të gjitha borxhet e tyre”, ishte mesazhi që një dyqan i vogël lokal në qytetin port të Malit të Zi në Bar mori këto ditë.
Sipas portalit lokal Jedro, një dhurues anonim që jeton jashtë, mori përsipër të gjitha borxhet e papaguara në dyqanin ushqimor Cobra në shumën prej 500 eurosh.
Më vonë u mor vesh se qëllimi i tij ishte të ndihmonte ish-bashkëqytetarët e tij gjatë Ramazanit, muaji më i rëndësishëm në islam.
Besimtarë të tre feve dominuese në këtë zonë kanë jetuar në Bar për shekuj me radhë.
Sipas regjistrimit të fundit nga viti 2011, rreth 60 përqind e banorëve të qytetit e deklarojnë veten ortodoksë, rreth 30 përqind janë myslimanë, ndërsa afër tetë përqind janë katolikë.
