Procesi i numërimit në vendin tonë ende nuk ka mbaruar vetëm në qarkun më të madh në vend në Tiranë. Para pak çastesh Partia Socialiste mori edhe bashkinë e Durrësit ndërsa gara deri më tani quhet e mbyllur me fitoren e PS në shumicën e qarqeve.
Sipas të dhënave zyrtare nga KQZ deri në orën 20:11 që është përditësimi i fundit, në rang vendi janë numëruar 5120 kuti nga 5199 që janë në total, ndërsa në Tiranë ku numërimi vijon ende janë numëruar 1166 kuti nga 1243 që janë në total.
Përkthyer në përqindje në rang vendi janë numëruar pothuajse 99% e votave ndërsa në Tiranë pothuajse 94% e votave. Ndërsa në rang vendi PS kryeson me 48.63% ndërsa PD 39.48%.
