“Special One” kthehet në Serie A. Portugezi, Jose Mourinho do të jetë trajneri i ri i Romës, ndërsa lajmi surprizë është konfirmuar nga vetë klubi italian.
Përmes një postimi në rrjetet sociale, bëhet e ditur se portugezi do ta marrë drejtimin e skuadrës në fillim të sezonit të ardhshëm.
Pasi njoftoi largimin e Paulo Fonseca në fund të sezonit, klubi verdhekuq dhuroi surprizën e madhe për tifozët e Romës, por edhe për ndjekësit e futbollit në përgjithësi.
Portugezi do të rikthehet në Itali pas 11 vitesh. Ai është trajneri me të cilin Interi arriti të fitojë tripletën në vitin 2010.
