Bujar Nishani deklaron se nëse merret vendimi për të ndryshuar rezultatin e zgjedheve të 25 prillit ai do largohet nga politika.
I ftuar në emisionin “Dekalog” të gazetarit Roland Qafoku në RTSH 24, ish-presidenti i Republikës dhe kryetari i Këshillit Kombëtar të PD bëri një pretim publik.
“Nëse pas ankesave të PD-së merret vendimi të ndryshojë rezultati i zgjedhjeve në favor të PD unë do largohem përfundimisht nga aktiviteti politik. Do t’i kërkoj falje Lulzim Bashës, nuk do flas kurrë më publikisht dhe do merrem vetem me jetën time private, por jo më atë publike. Nuk do flas më” tha ai.
Bujar Nishani deklaroi me bindje se pavarësisht ankesave për aprregullsi rezultati i zgjedhjeve nuk ka për të ndryshaur dhe përpjekja e Bashës për të justifikuar humbjen e PD në zgjedhje është vetëm për të mbrojtur veten.
Kërkesa e “Grupit për PD” për largimin e Lulzim Bashës nga drejtimi Partisë Demokratike është shoqëruar edhe me pyetjen se cili është pozicioni i Sali Berishës? A e mbështet apo jo Berisha Bashën apo edhe ai kërkon largimin e tij nga drejtimi i partisë? Dhe pyetja tjetër, nëse ky grupim, veçanërisht Bujar Nishani, a janë konsultuar me Sali Berishën?
Sipas Nishanit ai vetë dhe të gjithë ata që kërkojnë dorëheqjen e Basshës nuk kanë asnjë ndikim apo orientim nga zoti Berisha. “Nuk kam biseduar dhe nuk kam kontaktuar me zotin Berisha gjatë kësaj kohe për zotin Basha as për ta mbëhstetur e as për të mos e mbështetur Bashën. Nuk e kam takuar Berishën dhe jam gati të betohem në Kuran meqënëse jam musliman”, tha Nishani për gazetarin Qafoku.
