Burime jo zyrtare bëjnë me dije se Xhuljo Liçi është efektivi i RENEA-s i cili u arrestua këtë të premte në kryeqytet me një kilogram kokainë.
Liçi u arrestua së bashku me dy persona të tjerë me të cilët besohet se bashkëpunonte.
Policia ka bërë kontrolle në banesat e personave në fjalë njërën prej të cilave është gjetur edhe sasia e lëndës narkotike.
Nga të dhënat e deritanishme, operacioni vijon, për të zbuluar zinxhirim e mundshëm të një rrjeti të shpërndarjes së narkotikëve që mund të çojë në identifikimin dhe kapjen e personave të tjerë.
