Presidenti turk Rexhep, Tajip Erdogan nxiti Papa Françeskun të ndihmonte në përfundimin e asaj që ai e quajti “masakrën” e Izraelit ndaj Palestinezëve, e cila duhet të dënohet me sanksione.
Sipas Aljazeera, Erdogan i tha papës se “Palestinezët do të vazhdojnë t’i nënshtrohen një masakre nëse bashkësia ndërkombëtare nuk e ndëshkon Izraelin… me sanksione”.
Presidenti turk shton se mesazhet e Papës ishin të “një rëndësie të madhe për të mobilizuar botën e krishterë dhe bashkësinë ndërkombëtare”.
Ushtria izraelite ndërmori një valë sulmesh ajrore mëngjesin e së hënës në Rripin e Gazës ndërsa tha se shkatërroi 15 kilometra tunele të militantëve dhe shtëpitë e pretenduara të nëntë komandantëve të Hamasit.
Banorët e Gazës të zgjuar nga sulmet i përshkruan ato si më të rëndat që nga fillimi i luftës një javë më parë, dhe madje edhe më të fuqishme sesa sulmet e një dite më parë që lanë prapa 42 të vdekur dhe rrafshuan tri ndërtesa.
