Bashkia e Tiranës nis riparimin e 288 pallateve të dëmtuara lehtë nga tërmeti

113 563 lexime

106,048FansaPëlqeje

Pallatet që kanë pësuar dëme të lehta nga tërmeti i 26 Nëntorit 2019 në kryeqytet po riparohen nga Bashkia e Tiranës. Aktualisht, në të gjithë territorin e Tiranës ka nisur aksioni që do të rivitalizojë edhe shumë prej pallateve të vjetra, pasi kjo nismë, e para e këtij lloji, do të përfshijë edhe lyerjet dhe sistemimet e hapësirave të përbashkëta.

Drejtori i Përgjithshëm i Bashkëpronësisë në Bashkinë e Tiranës, Aurel Çuko, dhe Administratorja e Njësisë 1, Trëndelina Jaku, inspektuan punimet që po kryhen për riparimin e ambienteve të përbashkëta të pallateve të dëmtuara nga tërmeti në këtë njësi. Çuko tha se në Tiranë janë 288 pallate, në të cilat është vlerësuar e domosdoshme kjo ndërhyrje, proces që ka nisur dhe po ecën paralelisht në të gjitha njësitë.

“Në territorin e Bashkisë së Tiranës ka nisur procesi i riparimit të ambienteve të përbashkëta. Në njësitë urbane të Tiranës janë për t’u riparuar 288 ambiente. Sot jemi tek Njësia 1, ku po ndjekim procesin e punës, duke filluar nga prishja, suvatimi, lyerja dhe shpresojmë që ky projekt të japë impaktin e duhur tek banorët”, u shpreh Çuko.

Administratorja e Njësisë 1, Trëndelina Jaku tha se ky ka qenë një shqetësim i ngritur nga vetë qytetarët, i cili është adresuar menjëherë nga Bashkia e Tiranës. “Kjo është një nismë që po kryhet për herë të parë nga Bashkia e Tiranës. Kemi kërkesa të shumta, sepse rregullimi i hapësirave të përbashkëta është një ndër gjërat kryesore që kërkojnë banorët. Është një nismë fantastike, janë shumë të kënaqur”, shtoi Jaku.

Bashkia e Tiranës po zbaton prej disa vitesh programin për “Fondin e Komunitetit”, përmes të cilit kanë përfituar mijëra banorë të pallateve të ndërtuara para viteve ‘90, të cilët kanë riparuar hapësirat e përbashkëta në formën e bashkëfinancimit me Bashkinë. Nisma më e fundit për pallatet e dëmtuara nga tërmeti tragjik i vitit 2019 është financim i plotë i Qeverisë.


Të fundit

Bashkia e Tiranës nis riparimin e 288 pallateve të dëmtuara lehtë nga tërmeti

Pallatet që kanë pësuar dëme të lehta nga tërmeti i 26 Nëntorit 2019 në kryeqytet po riparohen nga Bashkia...

Ylli i pornografisë e bëri baba, këngëtari i famshëm tregon djalin

Këngëtari i famshëm, Drake, është shfaqur për herë të parë në skenë me djalin e tij, Adonis. 34-vjeçari u shoqërua nga i biri në Billboard...

Berisha i quajti shfaqjen ‘festë për blerjen e votës’, Dembacaj: S’po të marr seriozisht se e ke nga…

Pasi u shpall “Non Grata” nga SHBA ish-kryeministri Sali Berisha është rikthyer me denoncimet në rrjete sociale me të cilat "shigjeton" mazhorancën. Postimi i...

Berisha “non grata”, Nishani bën deklaratën e fortë: Reagimi i Bashës ishte hipokrit

Kreu i Këshillit Kombëtar i Partisë Demokratike e ka cilësuar si hipokrit reagimin e Lulzim Bashës për vendimin e shpalljes “non grata” nga SHBA...

Përplasja Rama-Meta/ Gjykata Kushtetuese jep vendimin

Gjykata Kushtetuese ka dhënë vendimin për përplasjen e kryeministrit me Presidentin . Përplasja Meta Rama startoi pas refuzimit të presidentit për të mos dekretuar si...

Lajme të tjera

Web TV