Një ngjarje e rëndë ndodhi në lagjen “Gaziosmanpasa” të Stambollit ku një grua hodhi foshnjën e saj në një kosh plehrash, sapo e kishte lindur.
Këto momente u pasqyruan në kamerën e sigurisë, ku më pas foshnja u nxor nga koshi i mbeturinave dhe u dërgua në spital për tu mjekuar. Gruaja e zbuluar nga ekipet policore u dërgua në stacionin e policisë që të dëshmojë në lidhje me këtë akt të rëndë.
Mediat turke shkruajnë se e reja e ndërmori këtë veprim pasi babai i saj nuk e dinte për shtatzaninë e vajzës.
“Babai im nuk e dinte. Unë e bëra një gjë të tillë sepse kisha frikë nga babai im”, tha vajza.
Mendohet se gruaja, emri i së cilës nuk dihet, lindi natën. Me dritën e parë të mëngjesit, ajo e mbështolli foshnjën e saj me pelena dhe doli jashtë. Duke iu afruar kontejnerit të plehrave afër shtëpisë së saj, gruaja hodhi foshnjën e saj të porsalindur në mbeturina. Qytetarët në afërsi informuan policinë dhe ekipet mjekësore pasi dëgjuan të qarat e foshnjës nga koshi i mbeturinave. Ekipet e policisë mbërritën në vendin e ngjarjes, duke nxjerrë foshnjën nga mbeturinat dhe iu dorëzuan ekipeve mjekësore. Foshnja u dërgua në spital me ambulancë dhe u mjekua.
