Mediat greke kanë zbardhur detaje të reja nga ekzekutimi shqiptarit mbrëmjen e djeshme në Greqi. 34-vjeçari Aris Papas ishte i njohur si një person me të shkuar kriminale dhe i përfshirë në mafien shqiptare. Pista kryesore e hetimeve për vrasjen e tij është përqendruar tek larja e hesapeve, pasi edhe më parë shqiptari i kishte shpëtuar tre atentateve.
“Aris” ishte “kontrata e vdekjes” e 13- të e luftës së bandës mafioze shqiptare që shkatërroi qendrën e Athinës që nga viti 2007”- shkruan një media greke. Në 26 shkurt të këtij viti iu bë atentati i fundit, por shqiptari arriti që të shpëtonte. Dy autorët arritën që të largoheshin me një taksi duke humbur gjurmët.
“Hetimi policor ka zbuluar se pas atentatit, një 38-vjeçar i njohur si “Mili” dhe 32-vjeçari i njohuri i “Doriani” të cilët janë në kërkim më 26 shkurt 2021, ishin autorët e një tentative për vrasje që kishte ndodhur në Agios Panteleimon, ku në shënjestër ishte 34-vjeçari “Aris”.
Ata kishin caktuar një takim “ekzekutimi” me viktimën e mundshme përmes bashkëpunëtorit të tyre, një 30-vjeçar me pseudonimin “Landi”. Ata ishin në një taksi kur qëlluan dhe plagosën objektivin e tyre në këmbë, ndërsa më pas, para policisë në stacionin Larisa, ata ikën duke lënë pistoletën në një taksi”– shkruhet ndër të tjera në artikullin e medias greke.
