Pak më parë janë publikuar disa detaje të reja në lidhje me vrasjen e shqiptarit në Sepolia të Athinës. Mediat greke shkruajnë se “breshëria e sulmeve vrasëse” që ka ndodhur kohët e fundit po shkakton shqetësim të madh në autoritetet, por edhe në shoqërinë greke. Kjo për shkak se “lufta” e bandave po zhvillohet në mënyrë të pakontrolluar, ku madje kohët e fundit është regjistruar një atentat çdo 10 ditë.
Sipas dëshmisë së një zyrtari të burgut, në maj të vitit 2019 një anëtar kryesor i mafies shqiptare në Koridhalo kërkoi ekzekutimin e 32-vjeçarit, ndërsa pretendohet se ai kërcënoi se nëse nuk arrinte ta vriste atë, ai do të vriste nënën e këtij të fundit.
Kujtojmë se 32-vjeçari u vra brenda një lokali që ishte polot me njerëz. Vrasja dyshohet se është një larje hesapesh mes bandave të trafikut të drogës që operojnë në qendër të kryeqytetit grek.Viktima ka qenë më parë i akuzuar për grabitje dhe trafik droge, ndërsa i ka shpëtuar 2 atentateve për vrasje.
