Një ngjarje e rëndë ka ndodhur në Australi ku një vajzë 13-vjeçare është ngacmuar seksualisht nga një oficer policie. Incidenti u regjistrua nga kamera e sigurisë ndërsa ne video shihet 54-vjeçari Glenn Roche, i cili përpiqet të prekë me forcë vajzën në një ashensor brenda stacionit të trenit në Sidnei.
Justifikimet e të pandehurit nuk bindën gjykatën e cila do të shpallë vendimin në muajin gusht. Sipas Daily Mail, ditën e incidentit, Roche kishte shëtitur në qytet së bashku me bashkëshorten tij si dhe nënën dhe motrat e vajzës. Skena në fjalë në videon e mësipërme u regjistrua në fund të këtij njoftimi të përbashkët.
13-vjeçarja dëshmoi në gjykatë se burri u përpoq ta kapte atë me forcë dy herë. 54-vjeçari nga ana tjetër i tha gjykatës se ishte thjesht një lojë , ndërsa më parë pranoi në polici se kishte prekur vajzën në gjoks aksidentalisht.
“Ndodhi sepse ajo e la trupin e saj të binte në tokë dhe më rrëshqiti në duar,” pohoi 54-vjeçari.
Herën e parë që ai u paraqit në gjykatë, shtatorin e kaluar, shpjegoi se po e përndiqte vajzën duke bërë shaka.
“Në atë moment e pashë si sfidë ta kapja dhe ti jepja asaj një puthje siç kisha bërë më parë me nënën dhe motrën e saj. Mbaj mend që e putha në faqen e djathtë dhe ky ishte qëllimi im i vetëm”, theksoi Roche.
