Kryeministri Rama uron mirëmengjes me një “arritje” të qeverisë që ai drejton, për bonusin e bebes. Rama thotë se në 5 muajt e parë të vitit 2021, kanë ardhur në jetë 15,837 fëmijë që e kanë përfituar bonusin.
Më tej, kryeministri thotë se në total që nga miratimi i këtij vendimi të Qeverisë, kanë përfituar nga 40 mijë lekë, 80 mijë dhe 120 mijë lekë (të reja) më shumë se 88 mijë familje që kanë sjell në jetë fëmijët e tyre.
“Mirëmëngjes, dhe me lajmin e bukur se 15,837 fëmijë të lindur në pesë muajt e parë të vitit, kanë përfituar bonusin e bebes, e me kënaqësinë që deri tani kemi mbështetur mbi 88 mijë familje me 40,000 lekë për fëmijën e parë, 80,000 për fëmijën e dytë dhe 120,000 lekë për fëmijën e tretë, ju uroj një ditë të qetë”, shkruan Edi Rama, kryeministër i Shqipërisë.
