Endri Zaja 22 vjeç është shoferi që ka përplasur me makinë një çift të moshuarish në Durrës, 4 ditë ma parë, ndërsa po ecte me shpjetësi skëterrë në lagjen nr. 11. Ai është prangosur sot nga policia në Durrës, teksa ishte në plazh dhe bashkë me të e ka pësuar edhe e dashura e tij e cila akuzohet për ‘moskallëzim krimi’.
Sipas policisë gjithashtu Zaja është autor i 2 vjedhjeve të ndodhura më parë, konkretisht: Më datë 10.06.2021, në Kameras, Durrës, dyshohet se ka vjedhur në dyqanin e shtetases V. M., një sasi vlere monetare dhe disa paketa cigare. Më datë 14.06.2021, në lagjen nr.13, Plazh, Durrës, dyshohet se ka vjedhur në marketin e shtetasit M. M.
Duke ecur me shpejtësi disa ditë më parë 22-0jeçari ka përplasur me makinën tip “Toyota”, një 74 vjeçare dhe një burrë krah saj të cilët po kalonin rrugën. Pasi i ka përplasur i riu është larguar menjëherë nga vendi i ngjarjes dhe ende po kërkohet nga policia.
74-vjeçarja po ecte në këmbë e shoqëruar nga një burrë, kur makina i ka përplasur. Nga pamjet duket se makina ka përplasur më shumë të moshuarën, ndërsa personi krah saj ndonëse është rrëzuar ka mundur që ti shmanget pak mjetit. Pas goditjes nga makina, burri krah të moshuarës arrin të ngrihet dhe tenton të ndjekë makinën, kurse kalimtarët shkojnë për t’u dhënë ndihmën e parë të moshuarës e cila qëndronte shtrirë në tokë. Në momentin kur makina ka ardhur me shpejtësi, duke kaluar rrugën kanë qenë edhe 2 persona të tjerë të cilët fatmirësisht janë larguar në kohë. Gruaja e aksidentuar menjëherë pas aksidentit është dërguar në spital ku ndodhet nën kujdesin e mjekëve.
