Një shpërthim me tritol është shënuar në aksin Milot-Lezhë gjatë orëve të vona të mbrëmjes.
Bëhet me dije se trioli është vënë në mobilerinë e shtetasit Dëfrim Ajazit, banues në Tiranë. Nga shpërthimi fatmirësisht nuk ka pasur të lënduar, por vetëm dëme materiale.
Menjëherë në vendngjarje kanë shkuar forcat e Policisë dhe grupi hetimor ku po vijon puna për sqarimin e rrethanave të ngjarjes, identifikimin dhe kapjen e autorit
“Më datë 20.06.2021, rreth 23:40, në aksin rrugor Lezhë-Milot, në mobilerinë në pronësi të shtetasit D.A., banues në Tiranë, ka shpërthyer një sasi e dyshuar lëndë plasëse, e cila ka shkaktuar vetëm dëme materiale. Menjëherë në vendngjarje kanë shkuar forcat e Policisë dhe grupi hetimor ku po vijon puna për sqarimin e rrethanave të ngjarjes, identifikimin dhe kapjen e autorit”, thuhet në njoftimin e policisë.
