Real Madrid duket se ka shkëputur vëmendjen nga ylli i PSG Kylian Mbappe dhe tashmë ka fokusin tek bomberi norvegjez, Erling Haaland. Sipas raportimeve të mediave të huaja, sulmuesi i Borusias së Dortmundit duket se i ka dhënë dritën jeshile ekipit madrilen.
Problemi ende qëndron tek Los Blancos që duhet të arrijnë një marrëveshje me klubin gjerman përsa i takon ofertës për lojtarin. Haaland ka një klauzolë prej 75 milion eurosh që bëhet menjëherë aktive verën e 2022, por Dortmund synon të shesë talentin 20 vjeçar për një shumë më të madhe këtë merkato.
Sipas gazetës italiane ‘La Repubblica’, klubi gjerman ka refuzuar më parë një ofertë prej 110 milion eurosh nga madrilenët dhe tashmë e vlerësojnë norvegjezin me vlerën e 150 milion euro, dyfishi i asaj që do të kishte përfituar merkaton e ardhshme. Megjithatë, presidenti Florentino Perez synon të rrëmbejë Haaland për 20 milion euro më pak se shuma e kërkuar nga gjermanët.
Haaland, i cili ka një kontratë me Dortmundin deri në vitin 2024, ka shënuar 41 gola në po aq paraqitje sezonin e kaluar. Norvegjezi nuk zhgënjeu as në skenën europiane të Champions League ku arriti të realizojë plot 10 gola.
