Skuadra e Prishtinës ia ka dalë që të kalojë pengesën e parë në turin paraeliminator në Ligën e Kampioneve. Kampionët e Kosovës kanë mundur sot ekipin e San Marinos, Folgore, për të siguruar praninë në finalen e turneut paraeliminator që po zhvillohet aktualisht në Shqipëri.
Ekipi i drejtuar nga Zekiria Ramadani, ka triumfuar falë golave të Krasniqit në pjesën e parë dhe të Hotit në të dytën, në një ndeshje që e ka dominuar dhe ku ka qenë vazhdimisht në kërkim të suksesit duke mbyllur sfidën me 26 tentativa në portë.
Kjo ishte një provë e mirëfilltë force për këtë skuadër në ndeshjen e luajtur në “Elbasan Arena”, ku pas tre ditësh do të kërkojë edhe kalimin në turin e parë të Ligës së Kampioneve përballë Inter Eskaldes të Andorrës. Ky i fundit mundi me shifrat 1-0 Torshavn të Ishujve Faroe në sfidën e luajtur në “Niko Dovana” dhe siguroi biletën për përballjen me kampionët e Kosovës.
Folgore-Prishtina 0-2
51′ E. Krasniqi, 90’+1′ Hoti
Formacionet zyrtare
Prishtina: Nikaj, Mici, Dellova, Krasniqi, Bardhoku, Lilaj, Xhon, Mankenda, Kryeziu, Boshnjaku, Krasniqi. Trajner: Z.Ramadani.
Folgores: Semprini, Broli, Arigoli, Piscaglia, Sottle, Nuçi, Fall, Spigi, Bernardi, Fedeli, Dormi. Trajner: O. Lepri.
