Nga Skerdjan Dhuli
Ti që rri duke bërë video të një Mihali në Palermo, një tjetri në Livadh apo videon e sherrit në Shëngjin, mos e bëj.
Ajo që fiton ti janë thjeshtë disa klikime dhe një protgonizëm banal. Eufori prej idjoti…
Ajo që humbet Shqipëria dhe investitorët e ndershëm në turizëm është një gropë e madhe ekonomike e tyre dhe rrjedhimisht edhe e ekonomisë së Shqipërisë.
Ka plazhe në botë që nuk ka përplasje fizike? Po ishujt grek janë epik për këto fenomene nga pushuesit anglezë apo edhe të tjerë. Një shembull ky, por ka plotë nëse ke interes.
Raporti me sigurinë publike në zona bregdetare është sfidë e çdo shoqërie. Fakt që ne nuk kemi qeveri serioze të merret me këto punë nuk do të thotë se duhet t’a godasim pa mëshirë turizmin shqiptar.
Mos e publiko faturën me çmimet e larta. Ti e bën për të rënë në sy të çunave dhe gocave të JOQ e ata si përherë çdo llum e nxjerrin në mejdan (kjo i ka bërë të suksesshëm, paradoksalisht) ndërsa Shqipëria humbet dhe vetëm humbet pushues dhe ekonomi për të gjithë ne.
Ka çmime të larta ? Sigurisht. Varet nga vendi që frekuenton. Nëse shkon në Dhërmi, mos u qaj për çmimin. Nëse shkon në Palasë, mos u qaj për çmimet. Shko në Sarandë , Lukovë, Bunec, Borsh, Qeparo, Himarë, Orikum , Radhimë…
Nuk do në jug ? Shko në Veri.
Velipoja, Shëngjini, Rana e hedhun etj.
Abuzimi me çmimet apo diku edhe sjellja jo korrekte në raport me shërbimin nuk është produkt bio shqiptar. Njëjtë edhe nëpër botë ndodh.
Dhe ndodh kudo.
Ajo që duhet të bëjnë të gjithë është të ruajmë me çdo kusht e çdo përpjekje turizmin shqiptar.
Mos e godit.
