Tre vite më parë, një gol i Adnan Januzajt ndaj Anglisë bëri që Belgjika praktikisht të humbiste mundësinë për të shkuar qetësisht në finalen e Botërorit. Ai gol i dha vendin e parë në grup dhe kaloi belgët në krahun e ekipeve më të forta në fazën me eliminim direkt, mes të cilëve Franca, e cila e mposhti në gjysmëfinale.
Në këtë Europian, Belgjika fitoi grupin e saj më diferencë nga ndjekësit, por përsëri e sheh veten në krahun e skuadrave pretendente për turneun me përballje të vështira duke nisur nga ajo me Portugalinë, për të vazhduar më pas me një përballje të mundshme me Italinë e më tej me Francën apo Spanjën.
“Krahu tjetër ishte më i thjeshtë, me sa duket nuk është gjë e mirë të jesh i pari në grup. Por gjithsesi, kundërshtarët kanë frikë të luajnë kundër nesh. Duhet thjesht të tregojmë që është e drejtë të na kenë frikë”, tha Janik Karrasko sot para mediave.
