Skema e re e fajdeve në Shqipëri nga Iutecredit, merr 1 e paguaj 3/ Përmbaruesit kërkojnë ndihmë

113 563 lexime

124,178FansaPëlqeje

Dhoma Kombëtare e Përmbaruesve Gjyqsorë privatë apelon fuqishëm për skemën piramidale të ngritur në Shqipëri nga kompania Iutecredit, që sipas tyre, përvec reklamës së fuqishme në televizionet kombëtare, po shtyn qytetarët të bien pre e një “vjedhjeje” me licensë, sic e konsiderojnë ata skemën e re të kredidhënies nga ky institucion mikrofinanciar.

Në një artikull të gjatë sqarues, ata analizojnë marrjen e një kredie nga Iutecredit që penalizon në masë shqiptarët, nëse nuk do të jenë qoftë edhe 1 ditë të rregullt në pagesën e kësaj kredie.

Përmbaruesit privatë e kanë bërë këtë duke marrë shembullin konkret se cili do të jetë fati i një qytetari që do të bjerë pre e kësaj skeme, e sidomos pas publicitetit të madh që po bëhet gjatë këtyre muajve.

Postimi i plotë i Dhomës së Përmbaruesve Gjyqsorë Privatë

Në 1996, FMN i tërhiqte vëmendjen qeverisë shqiptare, që të paralajmëronte popullin për rrezikun që sillnin firmat piramidale.

Guvernatori i Bankës së Shqipërisë asokohe paralajmëronte për natyrën piramidale të firmave dhe për pasojat që mund të vinin. Te “Sudja”, “Vefa”, “Populli” fusje 1 merrje 3 d.m.th, fusje 1 milion lekë të jepnin 3 për pak kohë.

Mrekulli!… që përfundoi në luftë.

Pas 25 vitesh historia përsëritet, por së prapthi. Sot të japin 1 dhe të marrin 3. Piramidat janë kthyer upside-down/kokëposhtë. FMN-ja me qeverinë nuk flet, ndërsa Guvernatori i BSH-së merret me kohën… javën tjetër do të kemi ulje temperaturash me 3-4 gradë.

Ja çfarë të ndodh po të duash të blesh një telefon, lavatriçe, TV apo pushime në “Dhërmi” me kredi në Shqipëri në 1 korrik 2021. Të dhënat janë reale nga kontrata te “IUTE CREDIT ALBANIA”.

Ne 1 korrik merr 1 milion lekë kredi për 10 muaj deri në 1 prill 2022.

Kësti mujor 137 mijë lekë, që duhet ta paguash çdo datë 9 korrik, gusht, shtator, tetor…

Lexo edhe :  Sot Fiter Bajrami, me mijëra besimtarë myslimanë falen në sheshin “Skënderbej”

Nëse je i rregullt çdo datë 9, në fund do të shlyesh 1 milion e 370 mijë lekë.

Po u harrove në plazh pas datës 9 korrik e më pas e harron fare pagesën 2 muaj apo më tepër do të paguash penalitet ditor.

Pas 70 ditë vonesë nëse s’ke shlyer asgjë aty nga data 8-9 shtator penaliteti do të ketë arritur në 1.2 milionë lekë + 1.3 që është detyrimi total i kredisë = 2.5 milionë lekë.

Pra, për 2 muaj plazhi dhe 10 ditë shtatori more 1 milion dhe do japësh 2.5 milion.

Me përllogaritje më pas deri në 1 prill 2022… do të shkosh me kësmet 3-fish, 3.5-fish, pse jo dhe 4 apo 5 herë më tepër pas 10-muajve.

Penalitetet kanë një specifikë që pushuesi i lumtur i ka firmosur vetë:

Klientit në vonesë prej 50 ditësh i dërgohen 4 sms njoftuese me kosto 200 lekë secila (4 sms X 200 lekë = 800 lekë).

Klientit në vonesë prej 50 ditësh i dërgohen 3 letra njoftuese me kosto 1 500 lekë secila (3 letra X 1 500 lekë = 4 500 lekë).

Kostoja e njoftimeve, sipas këtij rasti është 5 300 lekë (sms dhe letra).

53 mijë lekë me të çu 4 mesazhe me 2 mijë lekë msg-ja telefonike (çfarë shkruajnë ato vajzat në mesazh?!

Çfarë shkrimi kanë ato 3 letra A4 që kushtojnë 15 mijë lekë copa?!

Ky është bank-ingu apo fajd-ingu në Shqipëri. Nuk dihet çfarë mendojnë për këtë prof. Malaj, Civici, e të tjerë profesorë të shquar në fushën e sistemit financiar e atij bankar, por me mijëra njerëz të thjeshtë janë përfshirë sot në këtë skemë.

Skema që ushqen sot reklama të bukura me pamje joshëse televizive. Skema ku jep 1 “Manush” dhe merr 3 “Antonela”. /Newsbomb.al/

Të fundit

Perplasje në UEFA/ Serbia heq flamurin e Kosovës

Kampionati Europian U21 që do të zhvillohet në Shqipëri dhe Serbi në vitin 2027 u mor edhe një herë...

“Ai luajti me dinjitetin e saj…”/ Rozana: Egli s’ka dashuri për Gjestin, është fiksim

Sot në “BBV – Live nga shtëpia” në në Top Albania Radio, moderatorë ishin Laerti dhe Rozana me të ftuar Aldon dhe Jozin. Aldo: Nëse...

Vrasja e studentes shqiptare në Itali, ministri Balla: Feminicid i tmerrshëm dhe brutal

Ministri i Shtetit për Marrëdhëniet me Parlamentin dhe Drejtuesi Politik i Partisë Socialiste për Diasporën, Taulant Balla, reagoi sot në rrjetin social Facebook, për...

Rubio siguron aleatët: Trump nuk largohet nga NATO

Shtetet e Bashkuara nuk do të largohen kurrë nga NATO. Kështu është shprehur Sekretari Amerikan i Shtetit, Marco Rubio, gjatë vizitë së tij në...

Tarifat e vendosura nga Trump ndaj Europës, vjen reagimi i parë i Melonit

Kryeministrja e Italisë Giorgia Meloni ka thënë se tarifat e Presidentit Donald Trump janë “të gabuara”, por i bëri thirrje Evropës që të shmangë...

Lajme të tjera

Web TV