Një tifoz i Zvicrës u bë i famshëm për dy gjendjet e tij emocionale brenda pak sekondash të ndeshjes Francë-Zvicër. Në foton e parë, ai shihet shumë i dëshpëruar kur ndeshja ishte 3-2 në favor të francezëve për Francën, ndërsa në të dytën është krejtësisht jashtë kontrollit nga gëzimi, pasi Zvicra shënoi golin e barazimit dhe e dërgoi ndeshjen në shtesë.
Emri i tifozit është Luca Loutenbach dhe përfaqësuesja e tij do të luajë nesër ndaj Spanjës për çerekfinalen e Europianit. Në shenjë mirënjohjeje për pasionin e tij të pafundëm, kompania ajrore “Swiss Air” i ka dhuruar një biletë për në çerekfinale ndaj Spanjës, e cila do të zhvillohet në Rusi.
Ndërkohë Agjencia zvicerane e Turizmit i ka ofruar pushimet falas në fundin e EURO 2020, me një destinacion të dëshirës së tij. Një gjest fantastik kjo si nga ana e kompanisë ajrore, por edhe e Agjencisë së Turizmit ku vlerëson pasionin e zviceranit për kombëtaren e tij.
