Një zjarr i madh ka përfshirë disa ha kullota në afërsi të Malit të Gjerë në Gjirokastër.
Mësohet se ekipet zjarrfikëse, kanë shkuar në vendngjarje dhe po punojnë për neutralizimin e tyre, por terreni i vështirë nuk po favorizon punën e tyre.
Flakët e zjarrit kanë shkaktuar djegien e një stani bagëtish në vendin e quajtur Blënjë, ndërkohë që dy stane të tjera janë shpëtuar falë ndërhyrjes së shpejtë të zjarrfikësve. Dëmi i shkaktuar përllogaritet në mbi 10 ha kullota.
Burime policore konfirmojnë se zjarri ka qenë i qëllimshëm, e deri më tani, janë shoqëruar në komisariat tre persona.
