Zëdhënësi i Presidentit të Turqisë, Ibrahim Kalin në një deklaratë për mediat ka zbuluar detaje nga takimi me kryeministrin Edi Rama në selinë e Këshillit të Ministrave në Tiranë.
Teksa i cilësoi shqiptarët si vëllezër të turqve, Kalin tha se të dy vendet duhet të forcojnë edhe më tepër marrëdhënien e tyre duke bashkëpunuar edhe në fusha si arsimi dhe kultura.
Më tej ai zbuloi se së bashku me kryeministrin Edi Rama ka diskutuar edhe mbi luftën kundër organizatës terroriste FETO, paqen në Ballkan, bashkëpunimin në kuadër të NATO-s, Bashkimin Evropian dhe çështje të tjera globale.
Lidhur me investimin e fundit të qeverisë shqiptare në blerjen e droneve inteligjentë për të ruajtur territorin, Kalin tha se është diçka e rëndësishme për Shqipërinë në mënyrë që në vend të mbizotërojë paqja, siguria dhe stabiliteti.
Paqja dhe stabiliteti i Shqipërisë janë edhe paqja dhe stabiliteti edhe ynë dhe paqja dhe stabiliteti i Ballkanit., u shpreh Kalin.
Një çështje tjetër e rëndësishme është dhe ajo e rindërtimit të banesave nga Turqia, për të cilën Kalin bëri me dije se do të përfundojë në muajin gusht.
