Ambasadorja amerikane tha se suksesi nuk varet vetëm nga puna e një institucioni të vetëm teksa bëri thirrje që të ketë më shumë bashkëpunim nga institucionet e tjera të drejtësisë në vend. Kim: “Biden e bëri të qartë se SHBA e konsideron korrupsionin si kërcënim në sigurinë kombëtare sigurinë e përbashkët”.
Ambasadorja amerikane në vendin tonë, Yuri Kim, në konferencën për rritjen e bashkëpunimit mes institucioneve të drejtësisë, deklaroi se ky është moment i rëndësishëm për këto institucione. Ajo ka vënë theksin tek bashkëpunimi mes institucioneve për të arritur në rezultatete të mira dhe punë të suksesshme. Sipas saj saj në ditët dhe në muajt në vijim do të dëgjohet më shumë për punën e drejtësisë në vend. “Ky është moment i rëndësishëm. Të gjithë i kanë parë lajmet. Ajo që po shohim është rezultat i një pune të vështirë. Presim të shohim më shumë në ditët e në muajt që do të vijnë. Është mirë të shikoj drejtuesit e institucioneve të akuzës së bashku. Ju e dini që ndjekja penale e suksseshme nuk varet nga puna e mirë e një institucioni të vetëm, por bashkëpunimi i shumë institucioneve për të rritur besimin e publikut te drejtësia penale. Ngritja e këtyre institucioneve ka qenë hap thelbësor në ndërtimin e themeleve të reformës. Ju duhet të vazhdoni përpara”, tha ajo. Diplomatja amerikane tha se sistemi është funksional, por nuk është në majë të performancës. “Sistemi është funksional, por nuk është në majë të përformancës për shkak të mungesës së personelit dhe mosbesimit të publikut tek ata që nuk kanë kaluar vetting-un”, deklaroi Yuri Kim.
Urdhri i Biden
Sipas zyrtares amerikane, Presidenti Biden ka identifikuar sjellje të tjera të dënueshme dhe e ka bërë urdhrin ekzekutiv të zbatueshëm tek shumë persona të përfshirë. Kim thotë se ky urdhër duhet të nxisë që prokuroritë në Shqipëri dhe në botë të dyfishojnë përpjekjet e tyre për të goditur krimin. “Muajin e kaluar, Biden e bëri të qartë se SHBA e konsideron korrupsionin si kërcënim në sigurinë kombëtare sigurinë e përbashkët. Si pasqyrim i kësaj politike të re, Presidenti Biden zgjeroi shtrirjen e urdhrit ekzekutiv për të sanksionuar personat e përfshirë në destabilizimin e Ballkanit Perëndimor përfshirë Shqipërinë. Ai ka identifikuar sjellje të tjera të dënueshme dhe e ka bërë urdhrin ekzekutiv të zbatueshëm ndaj një game më të gjerë personash të përfshirë në korrupsion”, tha ajo. Sipas saj, Urdhri ekzekutiv i dhënë nga Biden duhet të nxisë punën e mirë të prokurorive në të gjithë botën dhe jo vetëm në Shqipëri. Ambasadorja amerikane ka një thirrje për të gjithë ata gjyqtarë dhe prokurorë të cilët kanë kaluar vettingun në mënyrë që të krijojnë një urë drejt funksionalitetit të plotë të institucioneve që do përfaqësojnë. “Ulja e numrit të prokjurorëve për shkak të verifikimit kalimtar, theksojnë nevojën e përshtatjes së vazhdueshme në nivelet më të larta të performancës. Ju nxis që të gjithëve që të punoni sëbashku për të evidentuar boshllëqet në institucione dhe të gjeni mënyrat më të mira për t’i realizuar. SHBA do ju mbështesë gjithmonë”, tha Kim.
