Ish-zëvendës ministrja e Brendshëmme e izraelit, Fania Kirschenbaum e cila ndodhet në qendër të një prej skandaleve më të mëdha të korrupsionit në Izrael, u dënua të mërkurën me 10 vjet burg për ryshfet. Ish zyrtarja e lartë u urdhërua të paguante një gjobë prej 900,000 NIS.
Gjykatësi i Gjykatës së Qarkut të Tel Aviv, Yaron Levy tha se ish-ministriia e partisë Yisrael Beytenu kishte marrë ryshfet në mënyrë “sistematike, dinake dhe të sofistikuar” për gjashtë vjet nga tetë burime të ndryshme.
Ryshfet që ish-zëvendës ministrja mori gjatë periudhës që ajo ishte në atë post arritën në rreth 2 milion NIS.
Paratë e përfituara nga pushteti u përdorën nga Kirshenbaum, anëtarët e familjes së saj, të besuarit dhe partia Yisrael Beytenu, tha gjykatësi.
“Roli i gjykatës është të tregojë me zë të lartë dhe të qartë seriozitetin e dëmit që veprimet e saj i shkaktuan shoqërisë izraelite dhe demokracisë,” tha Levy. “Nuk është e barabartë me intensitetin e korrupsionit të të pandehurës dhe seriozitetin e veprimeve të saj.”
