Këtë sezon të ri do të jetë Paris Saint Germain skuadra e cila pritet të ketë një nga mbrojtjet më të mira në Europë. Trajneri Mauricio Pochettino do të ketë në dispozicion Marquinhos dhe sigurisht afrimin më të ri, veteranin spanjoll Sergio Ramos.
Megjithatë, një emër i ri po lakohet në ekipin parizien përsa i përket repartit difensiv. Bëhet fjalë për 16-vjeçarin Chandaille Bitshiabu, i cili sapo u konfirmua në ekipin e parë të PSG këtë sezon falë cilësive të tij impresionuese për moshën që ka.
Bitshiabu ishte pjesë e ekipit të kombëtares franceze së U17 sezonin e kaluar dhe zhvilloi paraqitje mjaft të mira. Por ajo që ra më tepër në sy ishte fiziku i djaloshit. Ai peshon afërsisht 100 kg dhe është 1.98 cm i gjatë, gjë që e favorizon shumë në duelet ajrore.
Duket se Kimpembe do të ketë konkurrencë të fortë këtë sezon për të ruajtur vendin e tij në formacionin e parë pasi Mauricio Pochettino duket mjaft i impresionuar nga 16-vjeçari Bitshiabu dhe mund ta hedhë atë menjëherë në fushën e lojës sëbashku me Ramos.
