Një foshnje e porsalindur ka ndërruar jetë pak minuta pas mesnatës së sotme në Tiranë. Foshnja ishte në maternitet dhe i është përkeqësuar shëndeti.
Menjëherë është vendosur në lëvizje Prokuroria dhe grupi hetimor po vijon punën për të përcaktuar shkakun e vdekjes dhe dokumentuar ngjarjen.
I menjëhershëm ka qenë dhe reagimi i babait të foshnjes, i cili ka kallëzuar mjekët për shkak se nuk i është dhënë kujdesi i duhur.
Njoftimi nga policia:
Paraprake: Më datë 28.07.2021, rreth orës 00:40, në maternitet, një foshnje e porsalindur dyshohet se si pasojë e përkeqësimit të shëndetit ka ndërruar jetë. Grupi hetimor vijon punën me veprimet për përcaktimin e shkakut të vdekjes dhe dokumentimin e plotë të ngjarjes.
Materialet i kaluan Prokurorisë së Rrethit Gjyqësor Tiranë, për veprime të mëtejshme.
