Çiklisti amerikan, Connor Fields ka pësuar një aksident gjatë garës së tij në Lojërat Olimpike “Tokyo 2020”.
28-vjeçari nga Las Vegas, gjatë garës, kishte një përplasje me një nga konkurrentët dhe u përplas në tokë, ku mbeti pa ndjenja. Mjekët kanë ndërhyrë menjëherë dhe çiklisti është transportuar për në spitalin e kujdesit intensiv. Aty është zbuluar, se ai kishte pësuar hemorragji në tru, probleme me mushkërinë dhe kishte gjithashtu disa kocka të thyera.
Megjithatë për fat të mirë, tashmë Fields i është rikthyer vetëdija dhe ai mban mend gjithçka, diçka që ka gëzuar së tepërmi mjekët, pasi rrezikonte së tepërmi.
Aventura e çiklistit amerikan në Olimpiadë është mbyllur ditën e sotme, pasi për shkak të dëmtimeve të marra, e ka të mundur për të vazhduar më tej garën.
