Autoritetet policore në Spanjë kanë goditur me sukses një bandë të kultivimit të kanabisit, pjesë e së cilës ishin dhe shqiptarë.
Mediat spanjolle shkruajnë se shqiptarët kishin mbjellë sasi të konsiderueshme kanabisi në një papafingo, ndërsa prej javësh qëndronin aty për t’u kujdesur për bimët. Në pranga kanë rënë tre shqiptarët, 22 39 dhe 44 vjeç.
Magazina ishte vendosur në afërsi të Les Comes, ndërsa hetimet e policisë vijojnë për arrestimin e personave të tjerë të përfshirë.
