Nuk e dimë ç’ndodhi papritur mes moderatores Luana Vjollca dhe drejtuesëve të televizionit ku ajo ka punuar prej 15 vitesh, “Top Channel”. Burime për “Gazeta Express” bëjnë me dije se Luana po largohet nga ky televizion dhe tashmë emisionet e saj do të mbajnë logon e një televizioni tjetër.
Megjithatë, vetë Luana nuk ka reaguar ende lidhur me këtë lajm duke e lënë ende në pikëpyetje faktin e largimit të saj. Më herët, moderatorja u fokusua totalisht në punën e saj duke anuluar të gjitha koncertet që kishte për këtë verë.
Pas gati 1 viti mungesë në muzikë, Luana Vjollca u rikthye me një këngë të re me titullin “1 mijë vjet”. Po ashtu ajo ka treguar se ka punuar për të tjera këngë, për të cilat nuk dihet ende se kur mund ta gjejnë dritën e publikimit.
Luana zbuloi se ka përgatitur dy këngë verore, por ende nuk e di nëse do i publikojë apo jo.
“I kam dy këngë verore që i dua shumë. T’i publikoj apo t’i ruaj? Po unë gjërat që i dua fort, i ruaj”, shkroi Luana krahas një imazhi të shkëputur nga studioja muzikore.
Epo, tashmë s’dihet çfarë presim prej moderatores dhe cilat janë projektet me të cilat do të na surprizojë shumë shpejt.
