Tonelata peshk i ngordhur është shfaqur në bregdetin juglindor të Spanjës në ditët e fundit, raporton BBC.
Ngjarja ka shokuar banorët lokal e po ashtu edhe ambientalistët.
Sipas autoriteteve lokale ngordhja masive e peshqve në Mar Menornë jug të Murcias ka ndodhur di pasojë e motit të nxehtë.
Por shkencëtarët nuk ndajnë të njëjtin mendim, sipas tyre shkak për këtë fenomen është bërë ndotja e ujit nga fermat e afërta.
Prokurorët janë duke hetuar rastin ndërkohë që banorët kanë protestuar duke kërkuar masa.
Mediat spanjolle raportojnë se Qeveria e vendit po shqyrton një kërkesë për të shpallur Mar Menorin si zonë të prekur nga katastrofa.
Kërkesa është dërguar nga qeveria rajonale, e cila është bërë pas presionit të madh për të shpëtuar lagunën që është prekur nga problemet ekologjike me vite.
Laguna që gjendet në juglindje të Spanjës, ishte atraksion turistik.
Por, kushtet e ujit janë keqësuar në vitet e fundit, duke çuar në degradimin e ekosistemit dhe ngordhjes masive të peshqve në vitin 2016 dhe 2019.
