Kërcimet në rrugë po kthehen në trend ditët e fundit në vendin tonë. Pas rastit të Laçit, dasmorët në Fushë-Krujë kanë dalë nga makina teksa semafori ka qenë i kuq dhe ia kanë marrë valles.
Në një video të publikuar nga JOQ shihet një grua e cila ka dalë nga makina dhe vazhdon të kërcejë nga gëzimi, ndërsa shoqërohet dhe nga dasmorët e tjerë. Ndërkohë e tjera makinat presin në radhë derisa ata të mbarojnë “shfaqjen”.
View this post on Instagram
Në ditët e fundit kemi parë skena të tilla nga më të çuditshmet në Shqipëri. Një dasmor që pasi mori nusen ia lëshoi breshërisë së kallashnikovit, një gjest që nuk e justifikon dot askush e asgjë, më pas ishte grupi i dasmorëve që bllokoi aksin Lezhë-Mamurras, te mbikalimi i Patokut, duke kërcyer. Sikur të mos mjaftonin këto, disa ditë më pas një 21-vjeçare bllokoi trafikun në Astir bashkë me shoqet e saj për të bërë video për TikTok para makinës me të cilën po udhëtonin. Ajo u gjobit dhe u shoqërua në komisariat.
